Ég hef ekki verið mjög spenntur fyrir því að skrifa á þessa síðu upp á síðkastið þar sem ég er hálfpartinn búinn að fá ógeð á henni. Að blogga er reyndar ekki orðin kvöð ennþá (eins og kemur fyrir marga) heldur finnst mér síðan svo ljót og óaðgengileg og stútfull af einhverjum flash auglýsingum.

Ég ætla að reyna að rusla saman einhverri síðu sjálfur og fara að blogga inn á hana. En á meðan getið þið horft á þetta:

... stendur á því að besta lýsingin í öllum byggingum Háskólans er á klósettunum? Það skiptir ekki máli hvort maður er á bókasafninu, í tíma eða jafnvel á skrifstofu; það er aldrei betri lýsing en í torfkofa. Klósettin eru hinsvegar með flúórperur út allt, sennilega til að fólk sjái alveg örugglega hvað það er að gera. Ég er því að spá í að flytja allt draslið mitt inn á klósett og vinna bara þar.

Hvað gerðir þú eiginlega vitlaust?

 

 

Ef þú ert orðinn myglaður á lærdómi eða áhugalaus í vinnunni þinni mæli ég með því að þú fáir þér c.a. 300 ml af hamborgarasósu frá E. Finnsson.

Allavega stendur framan á umbúðunum að hún sé "frískandi". Ég get skilið að kók eða eitthvað svoleiðis sé auglýst sem frískandi en ég á bágt með að tengja þetta orð við sósu.

 Christopher Reeve sem lék Superman og Magnús Þór Hafsteinsson í Frjálslynda flokknum?

 

Í tilefni þess að vorprófin eru rétt ókomin hef ég ákveðið að henda inn djúphugsuðu bloggi sem endurspeglar vel hugarástand mitt þessa dagana.

Þegar ég stóð í sturtunni áðan og las aftan á "Head and shoulders" sjampóbrúsa komst ég að þeirri niðurstöðu að Thailendingar eru með mikið flösuvandamál.

Hvernig veit ég það?

Á brúsanum stendur að það  sé ekkert jafn öflugt í baráttunni við flösu og "Head and shoulders" sjampó og því til staðfestingar er vitnað í markaðsrannsókn sem framkvæmd var af framleiðandanum. Þar að auki stendur að ekki megi geyma sjampóið við hærri en 30°C hita.

Það er hins vegar mjög skrýtið þar sem á brúsanum stendur að sjampóið er framleitt í Thailandi þar sem hitastigið fer oftar en ekki yfir 30°C. Thailendingar verða því að framleiða sjampóið og flytja það úr landi í svölu umhverfi. Ef maður er hins vegar flösusjúkur Thailendingur neyðist maður þá sennilega að grípa til þess ráðs að geyma sjampóið sitt í ísskáp. Því miður er ísskápur hins vegar ekki almenningseign þar og því er fátt sem Thailendingar geta gert til að ná burtu flösunni því "Head and shoulders" er jú besta flösueyðandi sjámpóið. Aukinheldur er sturta ekki heldur í almennri eigu. Af þessu dreg ég þá ályktun að Thailendingar ganga um með 3 cm flösulag á öxlunum.

...í andlitið með blautri og flensusýktri tusku. Aftur. Par-tay eins og maðurinn sagði. Ég er búinn að sofa svo mikið upp á síðkastið að ég fæ ekki vegabréfsáritun í draumaheiminn í þetta skiptið. Samt er ég alveg að leka niður.

Eftir "kommentaflóðið" í síðustu færslu hef ég ákveðið að vera með bloggið hérna aðeins lengur. Ég er samt forvitinn að vita hverjir eru að lesa þetta.

Ég nota Firefox vafrann og fyrir hann er til viðbót sem kemur í veg fyrir að auglýsingar birtast á ákveðnum síðum. Það er einmitt af þessum ástæðum sem ég hafði ekki grænan grun um hvað það væri mikið af auglýsingum á bloggsíðunni minni. Flestar líka pirrandi og blikkandi flash myndir.

Þannig að ég er að hugsa um að fara eitthvert annað með þetta blogg. Mér datt Blogspot í hug en ég veit að Andrés var ekki sáttur við þá. Veit einhver um góða bloggsíðu?

Í millitíðinni var ég að spá í þessu: peturgordon.blogspot.com en ég er opinn fyrir öðrum hugmyndum.

Segið endilega hvað ykkur finnst.

Morgunblaðið er ansi duglegt við að birta fáranlegar og illa skrifaðar fréttir (bæði hvað varðar innihald og málfar) undir "Tækni og vísindi". Ég rakst áðan á þessa grein:

http://mbl.is/mm/frettir/frett.html?nid=1255740

Ég hló hátt og snjallt þegar ég las þetta:

"Discovery News segir að nýjar vísindalegar vísbendingar, þ.á m. DNA-greining sem gerð hafi verið á einni virtustu sameindaerfðafræðistofnun heims, séu um að gröfin kunni að hafa geymt jarðneskar leyfar Jesú og fjölskyldu hans."

Ég ég skil þessa setningu rétt (og málfræðin gerir manni ekki auðvelt um vik) þá hafa nokkrir góðir "vísindamenn" gert DNA próf á innihaldi grafarinnar og komist að þeirri niðustöðu að Jesús Kristur hafi verið lagður þar til sinnar hinstu hvílu.

Maður með greindarvísitölu á við hjólbarða sér strax að til að geta fullyrt svona lagað þarf fyrst að hafa undir höndum lífsýni úr Jesúm Kristi til að bera saman við erfðarefnið í gröfinni. Og eins og flestir ættu að vita þá er ekki hlaupið að því að redda svoleiðis.

Menn verða að hafa einhvern smá snefil af gagnrýnni hugsun áður en þeir birta svona lagað á einum fjölsóttasta vef landsins.

 

Það hafa eflaust sumir rekist á þetta áður en mér finnst þetta svo töff að ég verð að pósta þessu á síðuna.

Einhver óheppinn kani missti báðar hendurnar sínar þegar hann tók óvart utanum háspennulínur þannig að það tók sig einhver til og setti á hann vélhendur sem hann stýrir með heilanum.

Grein: http://en.wikipedia.org/wiki/Jesse_Sullivan
Myndband: http://www.youtube.com/watch?v=4aixlFdZaOc

... ykkur sem eru orðin leið á vestrænni neytendahyggju þá bendi ég ykkur á vörurnar "I can't believe it's not Hitler" og svar íranska klerkaveldisins við MTV þáttinn Pimp my ride: "Jihad my ride" í umsjá teymisins The Notorious Q.A.E.D.A.

En talandi um neytendahyggju þá sárvantar mig nýja fartölvu. Ef mín er einfaldlega í gangi þá er hún yfir 60°C heit og þegar ég reyni að framkvæma gríðarlega flóknar aðgerðir á við skrifa í einfalt textaskjal þá hitnar hún upp í svona 80°C. Viftan er alltaf á fullu og yfirleitt er tölvan við það að takast á loft. Ef ég fer frá henni býst ég allt eins við því að finna hana næst hálfa leið til Kína í anda china syndrome. Þá er það bara spurningin: Dell eða HP?

Og endilega kommentið. Undanfarið hafa yfir 30 mann komið inn á síðuna á degi hverjum og ég hef ekki hundsvit á því hvað það er. Mig grunar stjórnendur blog.central.is um að hækka tölurnar vísvitandi til þess að fólk hugsi "Vá! Fólk er í alvörunni að lesa bloggið mitt! Best að blogga meira." Hins vegar gætu þetta verið leitarvélarnar en ég er efins um það.

 

... geysisniðuga ráðabrugg mitt virðist hafa virkað. Ég splæsi inn nýrri færslu og heimsóknarfjöldinn dettur gjörsamlega niður. Ég skil ekki alveg þessa fylgni milli bloggleysis og mikils heimsóknarfjölda.

... að breyta útlitinu aðeins. Það var vonlaust að lesa svona grátt letur á hvítum bakrunni. Annars er ekki um mikið að velja. Ég get valið um "Devil wears Prada" þemu og eitthvað fleira. Ótrúlega svalt ef maður er 12 ára.

... það sé ekki best að rusla einhverju hingað inn svo fólk hætti að skoða síðuna mína! Ég er eiginlega hálf hræddur við þessar fáránlegu vinsældur síðustu daga. Mig grunar að einhver sé að koma inn á síðuna mína og henda burt öllum 'cookies' og ýta svo á refresh til þess eins auka heimsóknarfjöldann.

En jæja. Ég er búinn að vera velta fyrir mér muninum á íslenskri og erlendri fréttamennsku síðustu daga. Að mínu mati eru Íslendingar með allt niðrum sig í þeim efnum. Þeir eru eiginlega eins og ruslatunnur; gleypa við hverju sem er án þess að æmta né skræmta og virðast ekki hafa snefil af gagnrýnni hugsun. Lítum á dæmi.

Fyrir jól varð mér á að horfa á viðtalsþátt í sjónvarpinu. Því miður missti ég af byrjuninni svo ég veit eiginlega ekki hverjir viðmælendurnir voru en það skiptir í raun ekki máli. Við skulum kalla viðmælandann Frú Bjáni.

Frú Bjána tókst að láta þessari vitleysu vella upp úr sér: "Ég var að tala við háskólamann um daginn og hann sagði við mig að helsti gallinn við menntakerfið á Íslandi væri hvað Háskólinn útskrifaði marga ómenntaða sérfræðinga."

Hvað í ósköpunum meinar hún með þessu?? Er hún að reyna að vera sniðug? Segja eitthvað fullkomlega mótsagnarkennt í anda Mr. Miyaki. Fyrir utan það að ég held að hún sé að ljúga þessu þá hefðu þáttastjórnendur átt að krefja hana umsvifalaust um að útskýra þessa snarheimskulegu staðhæfingu aðeins nánar. Í staðinn jánkuðu þeir þessu bara eins og þetta hefði verið sem talað úr þeirra hjarta.

Nei! Svoleiðis gerir maður ekki! Frú Bjáni hélt áfram:

"Við þurfum kannski að fara að endurhugsa hvað við meinum með menntun? Kannski er tilfinningagreind og félagsleg hæfni bara mikilvægasta menntunin?."

Mér þykir leitt að segja þetta en nei! Þetta er einfaldlega rangt hjá þér. Maður með doktorspróf í kærleika er ófær um að gera nokkuð í viðskiptaheiminum. Sömuleiðis getur maður sem er menntaður í mannlegum samskiptum ekki smíðað brú, byggt né viðhaldið húsum, virkjunum og svo framvegis. Við yrðum að grafa okkur holur í jörðinni og éta það sem úti frysi.

En þáttastjórnendurnir sáu ekkert athugvert við þetta. Á Íslandi er maður ekki leiðinegur við gestina sína. Maður bíður eftir að þeir hafi lokið máli sínu og svo talar maður hugsanlega illa um þá þegar þeir eru farnir.

Annað dæmi sem mig langar að nefna er þegar það var birt viðtal við DNA heilarana í sjónvarpinu. Þeir þóttust geta "farið upp til almættisins og gefið þar skipun um að breyta erfðarefninu viðkomandi sjúklings" til að lækna hann. Daginn eftir birtist "fréttaskýring" í Fréttablaðinu þar sem saga og kostir þessarar stórmerkilegu lækningaraðferðar var rakin ÁN ÞESS að velta fyrir sér þeim möguleika að þetta gæti verið tómt kjaftæði. Þetta finnst mér alveg ömurlega óábyrg fréttamennska.

Ef Íslendingar vilja læra hvernig á að taka viðtal við fólk þá mæli ég með því að þeir taki sér bretann Owen Bennett-Jones á BBC til fyrirmyndar. Hann svoleiðis þjarmar að viðmælendum sínum þegar þeir reyna að snúa útúr og forðast spurningar, þar til þeir hreinlega biðjast vægðar.

... er að?? 17 heimsóknir. Ég ligg hérna veikur heima svo ég rusla kannski einhverju inn hérna fljótlega.